God medaljefangst i NM

Meisterskapet blei arrangert i Timehallen på Bryne av Bryne karateklubb i samarbeid med Gandsfjord karateklubb og Norges Kampsportforbund.

For Etne Kyokushin Karateklubb sin del blei medaljefangsten som følgjer: Odd Inge Berge tok gull i fight, Hans Kristian Havreberg tok gull i både kata og fight, Annika Tökés Krokå tok sølv i kata og gull i fight, Arianah Archival Thorstad tok sølv i fight, Jan Filip Jensen tok bronse i fight, og i tillegg tok laget, beståande av Hans Kristian Havreberg, Odd Inge Berge og Frode Haaland, bronse i lagkata.

I ein e-post skriv Havreberg at resultata viser at klubben framleis held seg heilt i toppen nasjonalt. Han poengterer at klubben er liten i storleik, men likevel klarer å levere sterke prestasjonar mot langt større klubbar. For utøvarane og klubben betyr dette mykje. Bak medaljane ligg det mange timar med trening, både i dojoen i Etne og gjennom målretta arbeid over tid.