Har opna tilsynssak etter dødsulykke

Arbeidstilsynet har oppretta tilsynssak etter den alvorlege arbeidsulykka som skjedde under arbeid på kraftlinja Blåfalli–Gismarvik. Politiet arbeider framleis med etterforskinga, og ferdigstiller no rapporten etter dei tekniske undersøkingane, ifølgje Europower.

Tilsynssaka skal kartlegga kva som skjedde og om arbeidet blei utført i tråd med gjeldande regelverk.

— Dette er for å avklara hendingsforløpet som leidde til ulykka, undersøka årsaksforhold og om det ligg føre brot på arbeidsmiljøregelverket, seier seksjonsleiar Kjersti Marie Gjerd i Arbeidstilsynet i ein e-post til kommunikasjonsavdelinga i Europower.