Lars Granberg er tilfreds med å plassere seg midt på treet i maraton-VM for terrengsykkel i Italia på laurdag. Pressefoto
Fekk uventa VM-tur til Italia
Maratonsyklist Lars Granberg (35) fekk blod på tann etter fjorårets NM-sølv. Nå har den råsterke ølsbuen kvalifisert seg til VM utan at det var planen.
Denne veka sette 35-åringen seg på flyet til Italia etter å ha blitt tatt ut på landslaget igjen for VM i maratonsykling. Arrangementet går av stabelen på øya Elva utanfor Toscana i Italia komande laurdag.
Sjølv om Lars Granberg har trappa litt ned på treninga, har den råsterke klatraren og uthaldande syklisten framleis kraft i armar og bein. NM-sølvet i fjor gav meirsmak.
— Eg prøvde hardt på å koma meg opp på pallen i årets NM i starten på juli, men det enda med havarert sykkel og brote løp, fortel ølsbuen til Grannar.
