Etne innfridde

Etne IL er tippa høgt opp på tabellen i årets 5. divisjon, og grøntrøyene skuffa ikkje i årets første kamp. Laget hadde tatt vegen ut til Frakkagjerd, og oppgjeret mot Stegaberg vart ein grei 0-4 siger. Det stod 0-3 ved pause, etter at Thomas Lien, Åsmund Norheim og Oskar Kringlebotten stod for skåringane. Bjørnar Aastvedt auka til 0-4 i den andre omgangen, og Etne kunne juble for den første trepoengaren denne sesongen.

Rubbestadnes kjem på besøk fredag om ei veke, og heimelaget går nok for nye tre poeng i den kampen.