Frå bryllupet til Christina Waage Gamboa og Joachim Andres Gamboa. Prest er Elisabeth Vatland Fauskanger og forlovarane er Malin Frøyland og Johannes Matre.
Privat
Ti nye ektefolk
Den norske kyrkja endrar seg i takt med tida. Mange stader i landet opna kyrkjer opp på valentinsdagen den 14. februar for eit opplegg som ein kunne kalla «drop-in-giftarmål».
Heilt uførebudd kunne ein ikkje koma, for det er nokre formalitetar som må vera på plass for å bli ektefolk. I teorien kunne likevel folk koma heilt utan å ha varsla det på førehand, men då måtte dei dokumentera desse formalitetane.
Laurdag 14. februar var nok ikkje tilfeldig. Dagen som meir enn nokon annan dag står for kjærleik, blir òg kalla kjærleiksdagen og alle hjarters dag. Det var viktig for sokneprest Elisabeth Vatland Fauskanger at dagen i kyrkja skulle vera så høgtideleg som muleg.
