Widerøe har fått tildelt dei siste rutepakkane i anbodet som skal flygast frå og med 1. april 2024. No byrjar ein omfattande høyringsrunde før rutetabellen endeleg blir vedteken.
Justeringar av den foreslåtte tidtabellen vil gjennomførast dersom dette kan gjerast utan å bryte anbodskrav, forverre tidtabellen på andre destinasjonar eller fordyre drifta slik at det går utover dei økonomiske rammene som er avtalte med Samferdselsdepartementet, skriv Widerøe i ei pressemelding.
Det er svært mange lokalsamfunn som skal høyrast før tidtabellane endeleg kan vedtakast. Høyringsrundane vil starte på Helgeland og Widerøe vil gradvis jobbe seg rundt i landet.
Maksimalprisen på anbodsruter blir halvert frå 1.april. Rutetabellane kan bli justerte, men nye prisar er allereie lagde inn i systemet. Widerøe forventar auka etterspurnad, spesielt på dei mest populære avgangane, etter at prisane blir kraftig reduserte. Dei tilrår difor å vere tidleg ute for å bestille billett på dei mest populære avgangane, då desse vil fyllast opp først.
Dette er rutene:
Ruter mellom Kirkenes, Vadsø, Vardø, Båtsfjord, Berlevåg, Mehamn, Honningsvåg, Hammerfest, Alta og Tromsø
Hasvik–Tromsø, Hasvik–Hammerfest, Sørkjosen–Tromsø
Stokmarknes–Bodø, Stokmarknes–Tromsø
Svolvær–Bodø
Leknes–Bodø
Røst–Bodø.
Brønnøysund–Bodø, Brønnøysund–Trondheim
Sandnessjøen–Bodø, Sandnessjøen–Trondheim
Mo i Rana–Bodø, Mo i Rana–Trondheim
Mosjøen–Bodø, Mosjøen–Trondheim
Namsos–Trondheim, Rørvik–Trondheim
Ørsta-Volda–Oslo
Førde–Oslo
Sogndal–Oslo
Sandane–Oslo
Ørsta-Volda–Bergen
Sogndal–Bergen
Sandane–Bergen
