Tobias-Dean Graver har stifta eit føretak kor han vil tilby datahjelp til privatpersonar.
FOTO: TORSTEIN TYSVÆR NYMOEN
Vil hjelpe deg med data
Tobias-Dean Graver (25) møtte kjærleiken gjennom dataspel. No har tilflyttaren skipa sitt eiget firma i Etne, med håp om at datakunnskapane også kan gi han eit levebrød.
Har du ei datafil du ikkje finn att, eller treng hjelp med å byte ut eit lyd- eller grafikk-kort, då vil Tobias-Dean Graver stå til din disposisjon. Gjennom hans nyskipa enkeltpersonføretak, Datahjelpen Graver, tilbyr han no å kome heim til deg for ordne opp.
Fødd inn i data
25-åringen frå Austlandet har drive med data og teknologi heile livet. Han er fødd i 1998, eit år som i praksis var eit vendepunkt for heme-pc-er. Det var frå det året at datamaskiner for alvor blei allemannseige. Det var ikkje få heimar som skaffe seg maskin, utstyrt med Microsofts programvare Windows 98» den gongen.
