Vil ha meir fart i biogass
Rune Furseth og Biovind AS etterlyser raskare framdrift i å skaffe produksjonen av biogass betre rammevilkår. Planane i Ølen kan skaffe energi tilsvarande fem småkraftverk.
Biovind Vindafjord var eitt av biogassprosjekta som vart presentert då Rogaland biogassnettverk vart danna på fredag. Bak initiativet står fire kommunar i Rogaland, fylkeskommunen og statsforvaltaren der målet er å utveksle erfaringar og arbeide med rammevilkår for den nye næringa.
Blant kommunane er Vindafjord der kommunalsjef Anne Sofie Sandvik har fått plass i styringsgruppa.
Annonse
Kontorplasseringa for netteverket er landbruksklynga i Klepp med Helga Hellesø som prosjektleiar.
Biogass i Suldal Transport
Husdyrgjødsel er ei utfording for bøndene og miljøet, og samstundes er det mogleg å omdanne gjødsel til energi i biogass, og volumet i bioresten er lettare å handtere enn gjødsla produksjonen starta med.
Ei rekkje prosjekt i Rogaland presenterte seg i oppstarten av nettverket på fredag. Biovind AS i Vindafjord skal i etablere seg i Ølen Næringspark som er på beddinga på Nerheim.
Annonse
Initiativtakarane til Biovind AS, Rune Furseth og Kjell Thomas Kirketeig, hadde klare oppfordringa om at rammevilkåra for biogass må bli avklara kjapt.
Rune Furseth er medeigar Suldal Transport, og dei har planar om at lastebilar skal gå på blant anna biogass. Også store aktørar som Posten og DB Schenker er på banen og meiner støtteordningane ikkje vurdert til å vere gode nok.
Anlegget i Ølen kan gi opp til 50 GWh i energi som tilsvarer ei handfull småkraftverk.
Slakteri går inn
Rune Furseth er opptatt av at tempoet må opp i å få avklaringar for rammevilkår som kan få fart på etableringa av produksjon av biogass.
— Fleire meiner biogass er noko å satse på. Om ein skal kjøpe bilar, kan ein ikkje risikere at det for lite gass om tre år. Difor må det skje noko raskt, alt våren 2021, sa Furseth.
Annonse
Han opplyste at det er aktuelt å ta inn avfall frå fiskeoppdrett, og kanskje samarbeid med HIM som i det nye året er starta med å sende bioavfallet til Danmark.
Det som starta med enkeltpersonar i Sandeid, har også fått Fatland Ølen og Nortura SA med på laget på eigarsida. Dei skal også levere avfall og gjødsel til anlegget.
60 bønder med
Motoren for å få i gang biogassproduksjon av husdyrgjødsel, er at store mengde gjødsel i landbruksfylket Rogaland er eit miljøproblem for jord og vatn, og står for klimautslepp.
For bøndene er det også eit kapasitetspørsmål å ha nok lagringsplass og tilgjengeleg spreieareal. Kjell Thomas Kirketeig i Biovind har sjølv ein større produksjon med gris, og han har hatt jobben med å skaffe avtalar med bønder som vil levere gjødsel.
Til no er det 60 som har takka ja, og det gir ein tilgang på rundt 120.000 tonn gjødsel i Vindafjord.
Annonse
— Bøndene er veldig gira på å vere med fordi ein får utnytta gjødsla betre. Men det må også gi betre økonomi for bonden, sa Kirketeig.
Langt igjen
Han peika på at det er for lite tilskot for å delta, og til å byggje satellittlager for gjødsel. Utfordringa hans er at om tre bønder går i gang med å byggje ein felles gjødselkum, så må dei få like mykje tilskot som om dei bygde kvar for seg.
Det er over ti år sidan ein del store prosjekt kom på banen i Rogaland, men det har gått tregt med å få eit visst omfang. Biogass er langt unna nasjonale mål om at 20 prosent av gjødsla skulle gå til biogass innan 2020, medan fasiten er 1 prosent.
Vindafjord er ein stor husdyrkommune også i nasjonal samanheng, og 35 prosent av klimagassutsleppet kjem frå jordbruket, medan det tilsvarande er 9 prosent for landet.
I dyretette Rogaland har målet vore at 60 prosent av gjødsla skal gå til biogass.
Annonse
— Gi gass Rogaland, var oppfordringa frå fylkesordførar Marianne Chesak (Ap) som gav statskotet for biogassnettverket.
