Monica Grindheim er stemneleiar for Turnfest i vest då fleire unge gymnastar kjem til Etne for å trena, konkurrera og ha oppvisning.
Arkivfoto: Grethe Hopland Ravn
Vertskap for stor turnfest
Som vertskap for Gymfest i vest får Etne Idrettslag nesten 400 unge gymnastar, trenarar og lagleiarar på besøk til helga.
— Eigentleg skulle me hatt dette arrangementet i 2020, men koronaen sette ein stoppar for det. Men nå er me klare for å ta imot unge gymnastar frå heile Vestland, seier stemneleiar Monica Grindheim i turngruppa til Etne IL.
Arrangementet som går over tre dagar, 27. – 29. mai, er retta mot barn i alderen elleve til tretten år. Deltakarane skal trena, konkurrera og ha ulike aktivitetar.
Fredag blir det opning av stemnet og konkurransar i open klasse (dans) og frittståande.
