Liltlesalen i Vikebygd bygdahus var nesten full måndag kveld.
FOTO: SVEIN-ERIK LARSEN
Energi
Vegval engasjerer
36 personar tok ein pause frå påskesola i Vikebygd for å få eit innblikk i tankane til Vikingstad AS om bygda si framtid måndag. Dei fleste frammøtte var tydeleg skeptiske til planane til Windafjord Port om å leggje til rette for storindustri på Dommersnes.
— Me i Vikebygd er kjempepositive til at det skal skje noko på Dommersnes, men det må ivareta naturen, sa Lene Bjerga.
Folkemøtet blei arrangert i samarbeid mellom Vikingstad AS og foreininga Bevar Ålfjordens Perle, som jobbar mot planane om å utvikle industriområdet på Dommersnes med sikte på serieproduksjon til havvindnæringa gjennom selskapet Windafjord Port, som Vindafjord kommune og Westcon eig kvar sin halvpart av. Ein reguleringsplan for over 500 dekar er på høyring fram til 22. april. Bjerga synest det er mykje negativt med dette prosjektet, eksempelvis støy i anleggsfasen, og ser ikkje noko positivt med det.
Ekteparet May Britt og Kjetil Vikingstad står bak selskapet Vikingstad AS, og har vore hytteeigarar i Vikebygd i over 20 år. Dei er kritiske til Windafjord Port-prosjektet, og har utarbeidd ein moglegheitsstudie om mogleg satsing på turisme og mindre industriverksemd som eit alternativ.
