Utbygginga av Bremnes Seashore AS sitt settefiskanlegg i Trovåg, har resultert i ein millionstrid som oppdrettsselskapet har vunne fram då tingretten behandla saka.
Foto: Sydvest
Vann tvist med leverandør
Bremnes Seashore AS gjekk sigrande ut av ein rettsleg tvist mot ein av leverandørane i samband med utbygginga av smoltanlegget på Trovåg i Vindafjord. Det kosta motparten nesten 26 millionar kroner.
Det gjekk ikkje heilt som planlagt under bygging av to av fire hallar ved det landbaserte anlegget ved Ålfjorden i Vindafjord og saka enda til slutt i Haugaland tingrett. Selskapet Sterner AS i Nordre Follo, som er leiande innanfor vassbehandling til oppdrett i Noreg, inngjekk entreprisekontraktar med oppdrettsselskapet frå Bømlo om levering av vassbehandlingsanlegg ved det store setjefiskanlegget på Trovåg. Då sluttoppgjeret skulle gjerast, var det stor avstand mellom partane og dei valde å løysa striden gjennom retten.
Oppdrettsselskapet vann ikkje saka fullt ut då tingretten nyleg avsa sin dom i saka om sluttopgjer og krav om erstatning, men har etter retten si vurdering fått medhald i det vesentlege. Dommen i Haugesund tingrett er samrøystes.
Millionkrav
