Konstituert kommunalsjef Eileen Selland orienterte kommunestyret om kostnadsauken i renoveringsprosjektet på tinghuset.
Grethe Hopland Ravn
Kraftig kostnadsauke i tinghusprosjektet
Konstituert kommunalsjef for bygd og samfunn,
Eileen Selland, orienterte tysdag kommunestyret om den betydelege
budsjettsprekken i oppgraderinga av tinghuset. Ho peikte på miljøfunn,
krevjande grunnforhold og forhold ved prosjekteringsgrunnlaget som sentrale
årsaker til kostnadsauken.
Blant dei mest kostnadsdrivande faktorane er meir
omfattande miljøsanering enn føresett. Det er avdekt både asbest og PCB i
bygningsmassen. Kommunedirektør Åsmund Andersen Sekse understreka at asbest i
utgangspunktet ikkje er farleg så lenge han ligg i ro, men at situasjonen
endrar seg når ein startar omfattande rehabilitering og opnar konstruksjonane.
Selland viste òg til fleire bygningsmessige
forhold som har gitt ekstra kostnader, mellom anna knytt til betong,
himlingsløysingar og tekniske tilpassingar. Fleire mindre endringar samla sett
har fått store økonomiske utslag og bidrar til at prosjektet no har ein sprekk
på mange millionar.
