Vegen til sjøen er for tida stengd, og Alne har difor ikkje høve til å vise kvar han meiner sjøen blir brun etter tømming av kloakk.
FOTO: ANITA HAUGLANDFOTO: Anita Haugland
Uroa over kloakkhandtering
Agnar Nagel Alne er redd Ålfjorden blir brukt som septiktank. Haugaland interkommunale miljøverk (HIM), som er ansvarleg for slamtømming på Dommersnes, hevdar dei har full kontroll.
— For to veker sidan var det stor trafikk her. Det kom bilar for å tømme tanken dagen lang, seier Agnar Nagel Alne.
Han driv firmaet A Nagel Alne som held til på Dommersnes i Vikebygd.
Eit par hundre meter nedanfor verkstaden hans, står det plassert ut ei tankvogn frå JTR-gruppen.