Konstituert generalsekretær i Kirkens Nødhjelp, Arne Næss-Holm, meiner det er gledeleg å sjå at det er stor oppslutning om bistand.
Foto: Lise Åserud / NTB / NPK
Undersøking: 13 prosent vil kutte i Noregs bistand
Undersøkinga er gjort av Respons Analyse for Kirkens Nødhjelp og viser at to av tre norske veljarar meiner at Noreg ikkje bør kutte bistand etter USAs bistandskutt, skriv Panorama Nyheter.
Tala viser at 85 prosent av veljarar på raudgrøn side vil halde oppe dagens hjelp, mens 51 prosent av veljarar på borgarleg side meiner det same.
– Dei som har svart, meiner dette ikkje er tida for å kutte i norsk hjelp. Dette er spesielt viktig no som vi ser at heile det humanitære systemet står i fare for å kollapse som følge av amerikanske hjelpekutt, seier Arne Næss-Holm i Kirkens Nødhjelp.
