Tunnelar er statistisk sett noko av det tryggaste ein kan ferdast i, seier Vegvesenet.
Illustrasjonsfoto: Tore Meek / NTB / NPK
Tre tunnel-ras, men Vegvesenet føler seg trygg
I løpet av to dagar førre veke gjekk det steinras i heile tre tunnelar i Vestland, i høvesvis Fjærlandstunnelen, Trodaltunnelen på E39 nær Matre og Frudalstunellen på riksveg 5 i Sogndal. Likevel er det ikkje grunn til bekymring, seier vegvesenet til Bergens Tidende (BT).
Avdelingsdirektør Svenn Egil Finden i Statens vegvesen seier at det ikkje er noko som no seier at dei må endre vedlikehaldsrutinane sine for tunnelar.
– Vi vurderar både Fjærlandstunellen og Trodalstunellen som trygge. Statistisk sett er tunnelar noko av det tryggaste ein kan ferdast i, fortel Finden.
