Ti år over snittalder

Tal for 2015 frå Norske Frisør- og Velværebedrifter viser at snittalderen på ein person i frisøryrket ligg på 31 år for tilsette og 36 år for leiarar og eigarar. Dette indikerer at dei fleste gir seg i ung alder etter at dei har tatt fagbrev som frisør, og svært få står i yrket heilt fram til pensjonsalder. Margaret Christophersen høyrer med til unntaka med sine over 40 år i same yrke. Ho starta si yrkeskarriere i 1974 og la først saksa på hylla ved nyttår då ho i ein alder av 63 år valde å pensjonera seg.

— Nå har eg blitt pensjonist og stiller meg berre til disposisjon ved sjukdom. Eg synest eg har jobba nok nå, seier 63- åringen og tregar ikkje på at ho nå har lukka døra til frisørsalongen ho dreiv i Ølen sentrum.

— Eg har hatt ein god arbeidsplass der og eg kjem til å sakna kundane. Mange frisørar gir seg altfor tidleg i vårt yrke, men på Haugalandet er det fortsatt ein del vaksne frisørar, seier ho.