Syklist skapte kø og frustrasjon i Vats: – Sving av og slepp trafikken forbi

Det som skulle vera ei vanleg fredagskøyring utvikla seg til ei frustrerande oppleving for Astrid Fjeldheim frå Tysvær. Då ho kom køyrande ned Krakkabrekka i Vats, merka ho raskt at trafikken gjekk uvanleg seint.

— Eg begynte å lura på kva som hadde skjedd, fortel ho.

Etter kvart fekk ho auga på årsaka: Ein syklist som sykla midt i vegen og heldt ein jamn, men låg fart – utan å gi rom for bilane bak. Fjeldheim reagerer særleg på at syklisten ikkje tok omsyn til trafikken, sjølv der det var mogleg å sleppa forbi.