Svindlarar gir seg ut for å vere frå domstolane

I svindelforsøket får personar ein e-post som ser ut som han kjem frå domstol.no, der dei tilsynelatande blir stemna som vitne i ei straffesak i Oslo tingrett, opplyser domstolane.

I e-posten blir personen deretter beden om å logge seg på med Bank-ID-en sin. Domstolane ber alle som får slike meldingar om å ikkje følgje lenkene i e-posten.

– Noregs domstolar ber ikkje vitnar om å logge seg på via Bank-ID. Dersom du får ei melding frå oss som vil få deg til å gjere dette, er det eit svindelforsøk, seier kommunikasjonsdirektør Yngve Brox i Domstoladministrasjonen.