Svindla NAV for over 90.000 kroner
Mannen frå Grannar-distriktet svindla NAV i fleire månader, men slepp å sone. Mellom anna fordi saka vart liggjande lenge hos påtalemakta.
Mannen i 30-åra er i Haugaland tingrett dømt til 21 dagars fengsel på vilkår etter at han i fire månader i 2017 held fram med å sende inn elektroniske meldekort til NAV kor han opplyste at han var arbeidsledig. Dette til tross for at han hadde fått jobb i eit anleggsfirma. Til saman fekk han utbetalt litt over 90.000 kroner frå NAV som han ikkje hadde krav på.
Slepp soning
Retten slår fast at det normalt, av allmennpreventive omsyn, skal reagerast strengt på brot på regelverket for meldekort. Men i denne saka fann retten fleire formildande omsyn som tala for lågare straff.
