I ei pressemelding skriv leiar Jan Anders Vinje at styret i EJFF har bestemt at det ikkje lenger kan takast ut hofisk i sone 2, 3 og i 10 Etneelva. Samtidig er kvoten redusert frå fem til tre laks og vil då berre gjelde for hanfisk.
Vedtaket gjeld frå fredag klokka 18 og fram til nytt vedtak eller seinast etter gjennomført midtsesongevaluering. Det blir ingen endring i reglane for fiske etter sjøaure.
