Vindafjordlaget fekk sin første siger for sesongen. Frå venstre Trygve Hustvedt Lærdal, Toralf Stople, Leif Vestbø, Martin Vestbø og Kjell Andre Steinsland. Bildet er frå førre kamp mot Ølen.
Foto: Privat
Storspel og første trepoengar
Vindafjord IL sitt ferske 7. divisjonslag tok sin første siger då dei møte Nedstrand på bortebane i tredje serierunde tysdag kveld. Og det var på ein imponerande måte.
Heile 1-7 stod det i dommarprotokollen då kampen var over.
Gjestene frå Vindafjord kunne gå til pause med komfortable 0-4. Petter Nordskog opna målkontoen med å hamra ballen sikkert inn på frispark frå 18 meter. Eitt minutt seinare var den målfarlege Nordskog på plass i gjen og trilla ballen i nota.
Trenar og potet, Oliver Vestbø sørgde også for to nettkjenningar før pause.
Rapportane fortel at andre omgang heldt fram med stor Vindafjord-dominans. Trygve Hustvedt Lærdal, Petter Nordskog og Sondre Asheim signerte nye storslagne mål. Petter Nordskog ordna Vindafjord sitt første hattrick på 30 år og går opp i leiing som toppskårar for Vindafjord denne sesongen.
Vertane kvitterte éin gong etter sidebytte og Vindafjord vann dermed seriekampen 1-7.
Tabellen menn 7. divisjon avd. 03
