Stor pågang etter nytt ID-krav

I desse dagar blir folk kontakta av banken sin med beskjed om å koma innom for å registrera seg med gyldig legitimasjon. Pålegget kjem etter krav frå Finanstilsynet med bakgrunn i kvitvaskingslova der alle bankkundar blir bedne om å registrera seg i banken sin. Ved Haugesund sparebank Ølen er registreringa i full sving, og kundar som ikkje tidlegare er registrert må ta seg ein tur til banken for å visa pass eller anna legitimasjon.

— Alle som har konto eller nettbank skal legitimerast. Skal du ha bank-id må du visa pass, men for nettbank er det godt nok med førarkort eller annan type gyldig legitimasjon, seier banksjef Lars Olav Larsen som i desse dagar kallar inn banken sine kundar som ikkje alt er registrert.

— Alle som dette gjeld vil få ei tekstmelding eller blir kontakta på annan måte, seier han.