Statsstøtte til havvind i Utsira Nord får tommel opp av Efta

No er Energidepartementet i gang med å førebu utlysinga, og i ei pressemelding
varslar departementet at det skjer så snart som mogleg.

– Eg er glad for at Esa i dag har godkjent støttemodellen for flytande havvind i Utsira Nord, seier energiminister Terje Aasland (Ap).

Det er éi veke sidan departementet sende inn notifikasjonen om statsstøtte til Utsira Nord. I den blir det lagt til grunn ein modell der tildeling av prosjektområde og statsstøtte skjer i to trinn med ein modningsfase imellom.