Snart i mål med Skakke-kjøkkenet

— Dette blir heilt fantastisk. Det blir ein draum, seier dagleg leiar Gøril Eidhammer og smiler nøgd.

Oppgradering av den gamle delen med nytt kjøkken og ventilasjonsanlegg har lenge stått på ønskjelista til storstova i Etne. Det gamle kjøkkenet var for lengst gått ut på dato og oppfylte ikkje lenger Mattilsynet sitt krav til storkjøkken, og det gamle ventilasjonsanlegget heldt ikkje lenger stand.

— Det største problemet var ventilasjonsanlegget. Det var kaldt om vinteren og varmt om sommaren, seier Eidhammer.