Slik blir fiskefarøyet som Westcon skal bygga for den skotske reiaren.Pressefoto
Skipskontrakt til Westcon
Westcon Yards i Ølensvåg har fått oppdraget med å bygga ein fiskebåt, ein pelagisk trålar for Klondyke Fishing Company i Skottland. Partane ynskjer ikkje å gå ut med kontraktssummen.
Skipet som verftet i Ølensvåg skal bygga og levera i starten av 2019, er ein Rolls Royce-designa pelagisk trålar med 74,8 meter i lengde og ei største breidde på 15,5 meter. Oppdraget er for Klondyke Fishing Company som er eigd av Taits-familien i Skottland. Reiarlaget driv frå før tre tilsvarande trålarar ut frå Fraserburgh i Skottland, kor det nyaste skipet, Chris Andra», også blei levert av Westcon Yards i 2006.
Nye Taits» som skipet skal heita, blir neste generasjon fiskefartøy designa for Klondyke Fishing Company. Taits-familien er velkjent innan den skotske fiskerinæringa og er blant dei største kvoteinnehavarane i Skottland.
— Me er glade for tilliten frå Taits-familen, og ser fram til å fortsetja det gode samarbeidet i åra som kjem. Westcon Yards har alltid vore opptatt av å ta godt vare på kundane, og me er nå svært tilfredse og klare for å levera enda eit kvalitetsskip, seier Endre Matre, teknisk leiar ved Westcon Yards, i ei pressemelding.
