Etter månadar med forsøk på å redda Skånevikstrand Maskinstasjon AS, blei det like over nyttår 2020 bestemt at bedrifta melder oppbod og slår seg konkurs.
Akrivfoto: Grethe Hopland Ravn
Skånevikstrand Maskinstasjon melder oppbod
Som Grannar skreiv i slutten av september hevda Skånevikstrand Maskinstasjon AS (SM) at dei var utsett for grov svindel og investorbedrageri i samband med sal og utvikling av eigedommar som det i medio juni 2018 blei inngått avtalar på. Det straffbare forholdet blei meldt til politiet, og saka blir framleis etterforska av Sør-Vest politidistrikt, melder advokat Sturla Vik Vestly i advokatfirmaet Responsa.
Fekk likviditetsutfordringar
Per august 2019 hadde SM 57 tilsette, og selskapet sin eigenkapital per 2017 var på 19 millionar kroner. Likevel fekk bedrifta store likviditetsutfordringar som ein direkte følgje av svindelen, og dagleg leiar, Halldor Ebne har sidan september jobba iherdig med å skapa likviditetsbuffer for å kunne sikra vidare bærekraftig drift inn i 2020. Dette har ikkje lukkast, og på eit styremøte den 3. januar, blei det bestemt at bedrifta melder oppbod.
