Cruiseskipet Sapphire Princess, eigd av Princess Cruises, på veg ut Geirangerfjorden i Møre og Romsdal.
Foto: Halvard Alvik, NTB
Sjøfartsdirektoratet vil godta
Sjøfartsdirektoratet sender no eit korrigert forslag og tilråding til Klima- og miljødepartementet om cruisetrafikk og krav om nullutslepp. – Vi er godt nøgde med forslaget frå Sjøfartsdirektoratet, seier ordførar i Stranda, Einar Arve Nordang (H).
Høyringsrunden for forslag til regelverk for nullutslepp i verdsarvfjordane, som skal gjelde frå 2026, vart avslutta i haust. Stortinget vedtok i 2018 at verdsarvfjordane skal vere utsleppfrie frå 2026.
Både Geirangerfjorden i Stranda kommune i Møre og Romsdal og Nærøyfjorden i Aurland kommune i Sogn i Vestland er på verdsarvlista til Unesco.
– Godt nøgd med forslaget
Ordførar Einar Arve Nordang (H) i Stranda seier til NPK at han er godt nøgd med forslaget frå Sjøfartsdirektoratet.
