Kommuneoverlege Terje Kleiven meiner vaksinestatus hos innlagde på sjukehus med covid-virus, viser at det er ein formidabel helsegevinst å vaksinere seg.
Arkivfoto: Jon Edvardsen
Siste: Fire nye smitta i Vindafjord
Onsdag kom melding om fire nye smittetilfelle i Vindafjord. To gjestearbeidarar, eitt barn ved Ølensjøen FUS barnehage og ein person i nær relasjon til det smitta barnet har fått bekrefta smitte med covid-19. Dermed er det totale talet på smitta oppe i 30 personar.
Den private barnehagen med rundt 105 barn fordelt på sju avdelingar, er stengt, og mellom 150 til 200 personar er sett i karantene i kommunen til testresultat er klar. Det same er det den kommunale vaksenopplæringa som er lokalisert til Sjøperlo i Øle.
Oppblomstringa har ført til restriksjonar knytt til besøk på sjukeheimane og halloween-feiringa blir tilrådd avlyst.
