Enge skule i Etne.
Arkivfoto: TORSTEIN TYSVÆR NYMOEN
Set skulemiljø under lupa
Etne kommune si evne til å trygge skulemiljøet for elevane i grunnskulen blir i desse dagar gått etter i saumane.
Det har med ujamne mellomrom komme meldingar knytt til mobbesaker i skulen, og tilbake i 2017 viste ei elevundersøking at meir enn kvar tiande elev i grunnskulane i Etne kommune kjende seg mobba. No skal det psykososiale miljøet for grunnskule-elevane ved Enge skule og Skånevik skule bli gått etter i saumane, gjennom ein såkalla forvaltningsrevisjon.
Kommunane skal kvart år skal gjennomføre forvaltningsrevisjonar, der det blir gjort eksterne undersøkinga av kommunale tenester. Og no nyttar politikarane høvet til å gjere ei større kartlegging av i kva grad kommunen evnar å trygge skulemiljøet for barn og unge i grunnskulen.
Formelt var det ei prioritering som kontrollutvalet kom med i ei prioritert innstilling til kommunestyret som vart vedteke i fjor haust, og som no materialiserer seg i ein konkret undersøking. Føremålet med prosjektet vil vere å undersøke om skuleeigar og den enkelt skule arbeider systematisk for å sikre eit trygt og godt skulemiljø for elevane i grunnskulane i Etne kommune, som om skulane har rutinar for å handtere og følgje opp tilfelle der elevar ikkje har eit trygt og godt skulemiljø i samsvar med krav i opplæringslova.
