Sein påske gir sterkare UV-stråling: – Ekstra viktig å verna huda

Påska strekkjer seg i år frå 13.–21. april. Vanlegvis er UV-strålinga på eit moderat nivå mellom 3–5 på Uv-indeksen. Men sidan påskeferien er ekstra sein i år, er UV-strålinga venta å vera på sterk styrke, mellom 6–7.

På dette nivået kan det ta så lite som ein halv time før ein kan få skadar på huda.

– I år er det difor ekstra viktig at me sjekkar Uv-varselet og vernar oss mot sola når Uv-indeksen er 3 eller høgare, seier fagdirektør Lill Tove Nilsen i DSA.