Ingunn, Ole Sigurd og sonen Emil (4) Meland i Tungesvik i Skånevik treng breiband både til privat bruk, til gardsdrifta og til gjestene på den vesle campingplassen dei driv.Foto: Irene Mæland HaraldsenBilde 1 av 3
Asbjørn Moe takkar for seg som dagleg leiar i Fikse Næringsforening.Arkivfoto: Irene Mæland HaraldsenBilde 2 av 3
Ordførar Siri Klokkerstuen (Ap) vil nytta rapporten til arbeidet med å betra breibandsdekninga i kommunen.Arkivfoto: TORSTEIN TYSVÆR NYMOENBilde 3 av 3
Mangel på stabilt nettverk er ei utfordring for bebuarane i Tungesvik i Skånevik og fleire andre stader i Etne kommune. For ein del av områda med mangelfull dekning kan det ta lang tid før ei tilfredsstillande løysing er på plass.
— Me har Ice-nett og klarar oss, men det blir dyrt, og dett det ut har me ingenting. Hos oss er det berre Ice og Telenor som går, og me må ha to abonnement for å klara både fjøset og huset, seier ekteparet Meland som driv ein liten campingplass i tillegg til gardsdrift.
Med avgrensa kapasitet på nettet kan dei ikkje tilby camping-gjestane pålogging, og når nettet skal brukast både av barn og vaksne kan det skapa kapasitetsproblem.
