NVE har skrive ut eit gult farevarsel for flaum i delar av Rogaland og Agder. Varselet er aktivt frå søndag morgon til måndag morgon.
– Det er fare for overvatn i tettbygde område og lokal flaum der vatnet ikkje kan renne uhindra på grunn av snø og is, skriv Noregs vassdrags- og energidirektorat (NVE) på Varsom.no
Årsaka er at snø og is dekkjer mange bekke- og elveløp. Det er samtidig venta mykje nedbør i helga.
NVE tilrår folk å reinse stikkrenner, kummar og andre vassvegar for snø eller is slik at vatnet kan renne uhindra der det vanlegvis renn.
