Bob Kåre (Ole Martin Owe) er hovudpersonen i handlinga, og har mista heilt piffen på livet etter at hans store kjærleik (dama på måleriet bak) døydde for 16 år og 9 dagar sidan. Men snart skal stemninga i jammerdalen snu.
Grethe Hopland Ravn
Riggar opp til country og kaos
Det er liv og røre på Sandeid samfunnshus denne
helga. Replikkar blir pussa, songar blir terpa, sceneskifte blir finjusterte –
og latteren sit laust mellom slaga. Etter månader med arbeid går det no mot
innspurt for det 16 mann sterke ensemblet som står klare til å gi publikum ein
kveld fylt av countrytonar, kjærleik, kaos og godt humør.
— Ja, me er 16 på scenen, så har me tre kordamer
og ei band som spelar med oss gjennom heile førestillinga. Så dette blir bra,
seier Jane Elin Owe, som har eit heilt vaksenliv med erfaring frå ungdomslaget.
Laurdag 7. mars er det premiere. I tillegg blir
det framsyningar søndag 8. mars og onsdag 11. mars.
