Rekordoppmøte på nyttårsmottakinga
Rundt 250 publikummarar møtte opp til ordføraren si nyttårsmottaking i Ølen kulturhus i ettermiddag. På programmet stod talar, teater-og revyinnslag, kaffidrøs og utdelling av prisar og heider.
— Det har aldri før vore så mange oppmøtte på nyttårsmottakinga i Vindafjord. I fjor var det rundt 150 i salen, seier ordførar Ole Johan Vierdal i Vindafjord kommune.
Han fortel at det var han som tok initiativ til nyttårsmottaking i 2012/2013, etter stor inspirasjon frå Tysvær kommune.