Politikarane får ansvaret for eldrekutt
— Det høyrest dramatisk ut å leggje ned så mange sengeplassar, men eg har ikkje svaret på om det er forsvarleg. Det er ein villa politikk at fleire skal bu heime, seier fungerande ordførar Tove Elise Madland (Ap) om kommunedirektøren sitt forslag om å kutte sju omsorgsplassar i Vats og Ølen.
I budsjettforslaget for 2021 går kommunedirektør Yngve Folven Bergesen inn for å kutte tre sengeplassar på dei to somatiske avdelingane ved Ølen omsorgssenter og fire på demensavdelinga ved Vindafjordtunet.
Det representerer nesten 10 prosent av alle sengeplassane Vindafjord har på omsorgssentra.
Fungerande ordførar Tove Elise Madland får truleg ansvaret for å lose budsjettet i land politisk, med eller utan desse kutta i eldreomsorga.
