Politiet ber folk vera på vakt: — Vi blir rundlurt på nett

Etne og Vindafjord politistasjon har berre dei siste 12 månadene teke imot 19 anmeldelsar som handlar om at privatpersonar, verksemder eller frivillige organisasjonar er blitt svindla på nett. Beløpa strekkjer seg frå nokre tusenlappar til opp mot 200.000 kroner. Til saman representerer dei lokale sakene svindel, eller forsøk på svindel, for meir enn 700.000 kroner.

Svindla for 400.000

I eit av dei grovaste tilfella vart ein transaksjon stansa etter å ha blitt fanga opp som mistenkeleg av ein utanlandsk finansinstitusjon. Verksemda, som er heimehøyrande i Vindafjord, fekk pengane tilbake. Her var det snakk om såkalla direktørsvindel.