Omega 365 Design med kontor i Haugesund

Med dette avdelingskontoret ynskjer bedrifta å koma tett på eksisterande og potensielt nye kundar, og gjera det lettare å følgja opp kundane lokalt i Haugesund.

— Målet er å auka kundemassen, auka omsetninga ved å tilby kvalitet og tett oppfølgjing til små, mellomstore og store bedrifter. Me har opparbeidd oss god inhouse-kompetanse og ressursar for produksjon av innhald, design, PR- og kommunikasjon, film, animasjon, foto, sosiale medium, nettsideutvikling og app-utvikling. Det kan også bli aktuelt å tilsetja fleire ved Haugesund-kontoret om satsinga blir ein suksess, seier Eidhammer Hjelmeland, dagleg leiar i bedrifta som er ein del av milliardkonsernet Omega 365 AS i Ølensvåg, i ei pressemelding.

Irene Landa, Linn-Henny Andersen og Erich Monteiro er dei tre tilsette frå Omega 365 Design som får sin arbeidsplass i Haugesund. Dei har alle fartstid som designarar, og set kundeoppfølgjing og gode løysingar for den enkelte kunde høgt.