Nytt etterforskingsstudium – vil ha lokale søkarar

På nettsida si skriv Politihøgskolen at samfunnsutviklinga og kriminalitetsbiletet gir eit aukande behov for tverrfaglegheit og eit breitt spekter av kompetanse i politietterforskinga. 

Vidare skriv dei at årsstudiet «Innføring i etterforsking» er etablert for å styrke kvaliteten og kapasiteten i etterforskningsmiljøa, og for å rekruttere personar med annan fagbakgrunn enn politiutdanning til etterforskningsfeltet.

 — Politiet handterer eit breitt spekter av saker, og derfor er også annan fagkunnskap svært relevant for oss, seier politikontakt i Etne og Vindafjord, Kristine Haraldseid Strand.