Jorunn Bringeland Berge er leiar i Etne turlag.
FOTO: PRIVAT
Ny leiar i turlag
Jorunn Bringeland Berge (53) er blitt leiar i Etne Turlag. Ho har lang erfaring frå styret og har tidlegare hatt leiarvervet ei periode. Det er Evy Hus som har vore leiar dei siste åra, og nå gir ho stafettpinnen vidare.
— Eg har alltid vore interessert i å gå til fjells og synest Etne Turlag driv med mykje bra, seier Bringeland Berge.
Å vera leiar for turlaget inneber mange oppgåver, men den største er å sørgja for at ting skjer.
— Det er viktig at me har gode prosjekt som bidreg til målsetjinga til turlaget, som er å få folk ut på tur og inn i friluftslivet, seier den turglade leiaren.
