Sentrale folk i Etne Sau og Geit vil alle ha oppgåver NM-helga til hausten. På biletet frå årsmøtet hausten 2025 er leiar Dorthe Svantesvold (f.v.), Kristin Silde Frønsdal, Else Merete Frette, Vidar Aastvedt og Oddbjørn Sande.
Nils Tokheim
Norgesmeisterskap lagt til Etne
I ei pressemelding frå NSG (Norsk Sau og Geit) blir det informert at NM i bruk av gjetarhund blir i Etne.
Gjetarhundnemnda i Hordaland Sau og Geit og Haugaland Gjetarhundnemnd har stått bak søknaden og det innleiande planleggingsarbeidet. No er ein eigen hovudkomité og ein lokal arrangementkomité på plass, og førebuingane er godt i gang. Det er Haugaland Gjetarhundnemnd som formelt er arrangør.
— Vi er stolte over å få dette til i Etne, og dugnadsgjengen er allereie i full sving, seier Audun Seilen frå Osterøy som er ein av arrangørane.
