Mars blei rekordvarm

Landstemperaturen i mars enda 3,9 grader over det som er normalen. Den gamle rekorden er frå 2012. Då enda mars 3,3 grader over normalen.

– Som regel blir temperaturrekordar slått med små marginar. At ein månadsrekord for temperaturen i heile Noreg blir slått med 0,6 grader er overraskande mykje, seier Hans Olav Hygen, klimaforskar ved Meteorologisk institutt, i ei pressemelding.

På Sunndalsøra vart det også sett ein ny rekord med stor margin. Der var det så varmt at det vart ny noregsrekord for høg månadstemperatur på 7,6 grader. Den tidlegare rekorden var frå 2012. Då hadde Landvik ein månadstemperatur på 6,8 grader.