Fryktar at bygda skal miste buattraktiviteten av biogassanlegg

— Dersom biogassanlegget blir bygd, fryktar eg at Ølen blir ein mindre attraktiv plass å bu, verditap for mange eigedomar rundt industrifeltet og at bygda kan få eit dårleg rykte, seier Tore Tverå.

Han er også uroa for konsekvensane for planlagd bustadbygging på Blikragarden, som han meiner ligg nærare industriområdet enn mange er klar over.

For å påverke kommunestyret før dei skal behandle detaljregulering for eit biogassanlegg på Nerheim næringsområde for andre gong tysdag, har han leia ei gruppe si organiserte innsamling av underskrifter mot planane.