Det kan bli skralt med brannberedskapen i Skånevik etter at åtte brannkostablar har sagt opp jobbane sine. Bakgrunnen er konflikten i Haugaland Brann og Redning.Arkivfoto: Jon EdvardsenBilde 1 av 2
Johannes Kringlebotten i Etne Frp meiner kommunen må reise mistillit til styret i HBR etter at brannmannskap seier opp jobbane.
Det betyr at det i går var berre 3 av 11 i brannvesenet som ikkje har sagt opp jobbane sine ved brannstasjonen i Skånevik. Brannberedskapen i Skånevik kan stå ganske ribba tilbake når oppseiingane er effektive om snaue tre månader.
Bakgrunnen er den langvarige konflikten i Haugaland Brann og Redning (HBR) der brannmenn på grunnplanet meiner dei ikkje blir lytta til, men heller trakassert.
Brannsjef Dag Botnen har informert både eigarar og styret i selskapet om situasjonen som han meiner er uheldig og blir tatt på største alvor.
