Formannskapet i Vindafjord kjøpte seg tid i skulesaka ved å bestemme seg for at det først blir politisk sak i 2021. Finpuss av vedtaket før alle partia slutta sewg til. Frå venstre fungerande ordførar Tove Elise Olsen Madland (Ap), Modolf Haraldseid (H), Jan Idar Haugen (Sp), ståande Mats Årvik (Frp) og Therese Nesheim (H).
Foto: Jon Edvardsen
Meiner det ikkje går an å seie ja takk begge delar
Høgrepolitikar Modolf Haraldseid meiner det neppe blir endringar på skulefronten utan at folk og politikarar forstår at det er nødvendig. Han trur ikkje det er mogleg å gjere som Ole Brumm å seie ja-takk til både skular og helse og omsorg i eit omfang som i dag.
Formannskapet i Vindafjord har gitt rådmannen klar melding om å sikre at bygder og innbyggjarar engasjerer seg, og får sagt meininga si om korleis skulen skal vere i framtida.
Norconsult har lagt fram ein rapport på vegner av kommunen som er beisk medisin for mange bygder når forslaget er å setje korken på døra for seks av ni skular, og avvikle fire av dei kommunale barnehagane.
Rådsmann Yngve Folven Bergesen sin plan om å vedta eventuelle endringar før han legg fram budsjettet for neste år, går dermed i vasken.
