Mange ønskjer lågare fart på fylkesvegen

Den utrygge situasjonen på Saudavegen mellom Rønnevik og Igeltjørn har vore tema lenge i området som har mange hytter. Fartsgrensa er i dag 60 km/t og dei som bur langs strekninga på fylkesveg 46, meiner det har stor betydning å få redusert farten til 50, ikkje minst på grunn av den aukande tungtrafikken.

Alle venta på initiativ

— Det var god respons frå både fastbuande og hyttefolk til å skrive under på søknaden. Det var ikkje nei frå nokon av dei vi fekk tak i, og fleire har venta på eit slikt initiativ, seier Else Aune som saman med ektefellen har hytte i Skipevåg.