Mange meiningar om Vindafjordhallen

Det er halvannan veke sidan flammane herja med Vindafjordhallen. Vatsbuen blei hardt råka – store verdiar og mange minne brann ned.

Framleis er det mange usvara spørsmål etter brannen som tok med seg eitt av bygda sine viktigaste møtepunkt. Blant folket er det mykje synsing, fortel Monica Nesheim i Vats grendeutval, ordførar Ole Johan Vierdal og Per Ivar Innvær i SK Vats.

— Når ferien er forbi får me fleire svar. Det er viktig at folk ikkje asar seg opp før fakta er på bordet. Det går an å byrje å tenke, men ein må ha fakta på bordet. Så må me spørje oss kva me kan få til innanfor dei rammene me har, er meldinga frå dei tre.