Fatland Ølen-klippar Åsmund Kringeland i aksjon under 2021- NM i saueklipping der han gjekk heilt til topps og kvalifiserte seg også til VM.
Foto: Gerhard Håkull
Lokale utøvarar til topps i saue-NM
Grunna korona har det ikkje vore arrangert norsk meisterskap i saukeklipping og ullhandtering sidan 2019. Nå var Norsk Sau og Geit igjen klar med meisterskap. Den gjekk av stabelen på Bjerkreim med godt og vel 60 deltakarar totalt, og fleire gode lokale resultat.
At det er to slakteri i Grannar-distriktet viste igjen på resultatlista. To av vinnarane jobbar for Fatland Ølen, medan den tredje har erfaring både frå Ølen og Nortura i Sandeid.
Åsmund Kringeland frå Tysvær som er sesongarbeidar ved Fatland sitt slakteri i Ølen, stakk av med gullmedaljen i open klasse i saueklipping. Han er frå før norsk meister i 2017 og 2016.
