Lite endringar i anmeldte saker

— Me har framleis små tal og det er lite endringar hos oss. Ingen statistikk skil seg ut, seier seksjonsleiar Kari Rørtveit ved Etne og Vindafjord politistasjon.

Ho er godt nøgd med tala som viser få anmeldte saker i dei to kommunane i fjor. Både talet på saker knytt til skadeverk og vinning held seg lågt og saker som gjeld trafikk har hatt ein nedgang på heile 18 prosent. Det einaste som skil seg ut er talet på bedragerisaker.

— Bedrageri har auka. Det aukar alle stader, seier ho.