Lei seg for at garden har så låg verdi
Sigurd Fresvik (75) har heile sitt liv levd av garden Hamre i Ølen. No er han oppteken av at den økonomiske arva etter han blir så avgrensa på grunn av det han meiner er ein underleg landbrukspolitikk i moderne tid.
Det er mange gardar som tidlegare var innkoma til mann og kone med store barneflokkar, som ein ikkje lenger kan leva av. Sigurd Fresvik har 30 villsauer på garden no, men det er mest for å halda naturlandskapet. Fresvik har stor interesse av landbruksøkonomiske vurderingar.
Trass i etternamn frå Hardanger, og ein snev av dialekt litt nærare byen, er han av Hamre-ætt som i generasjonar har drive garden før han.
— Eg hadde barne- og ungdomsåra mine i Tysvær, nærare bestemt på Aksdal, forklarer han.
