Kva gjer du om du mistar kontakten?

Beredskapsråda som anbefaler oss å ha nok mat og vatn for ei veke er nok kjent for mange. Men har du tenkt over kva du gjer om du mistar mobil- og internettilgangen?

– Mange av oss har blitt gode på å lagre vatn og mat i kjellaren, og å følgje råda til myndigheitene om beredskap, men vi trur kanskje færre førebur seg på kva dei kan gjere for å sikre tilgang på mobil og internett når til dømes uvêret rammar eller krisa treff, seier Svein Scheie, tryggingsdirektør i Nasjonal kommunikasjonsmyndigheit (Nkom), i ei pressemelding.

Nyleg publiserte Nkom ein rapport som peiker på at Noreg står overfor fleire trugslar mot den digitale infrastrukturen.